all about my happy fatty!
「秋天到了! 家長們請準備一些生果的圖片, 讓小朋友們加深對生果的認識. 」 – 這是今個星期的親子習作.
「肥肥肥肥, 你鍾意食咩生果呀 ? 」
「banana ! banana ! 」
「媽咪搵唔到 banana 啲相喎, 不如食 blueberry 同埋火龍果好嗎? 」
「好… 但 baby 要食橙橙喎 ! 」
「好啦, 咁你聽日返學, 同同學仔一齊食啦 !」
結論 1. 如果每個星期都有親子習作, 小媽媽都會幾忙…
結論 2. 小肥肥, 咩生果都鍾意食o架 !
結論 3. 原來生果圖片, 都唔係咁容易搵.
中秋節, 幼稚園, 低 B 班, 玩死小媽媽親子燈籠.
「媽咪, 我要整馬騮仔燈籠 ! 」
「肥肥, 兔兔靚啲喎, 不如整兔兔燈籠, 好嗎 ? 」
小媽媽摺兔兔, 加上大肥肥的小手指印印, 這親子小手工, 還可以吧 !?
小媽媽對這些小手工製作, 實在沒什麼概念… 還好, 小肥肥很愛她的小兔兔呀!
小肥肥太愛上學, 每朝5時30分便起床 …
自你開學後, 小媽媽便每天沒精打采.
肥肥肥肥, 不如睡多睡好嗎?
你的早起, 成為了我們之間的最大問題呀!
借問聲, 有咩辦法, 可以令小孩子遲啲起身?! 有冇人有好意見提供?! 謝謝!
朝早6時半. 由於太期待可以上學的原故, 肥肥一起來, 便告訴小媽媽要出門口返學學啦! 明明7時半才夠鐘起床嘛…咁早起身做乜嘢!!! 由6時半到8時半出門口的2小時內, 肥肥每隔10-20分鐘便說一遍, 「媽咪, 出門口啦 ! 」小肥肥真的很可愛! 小媽媽也從未見過這樣喜愛上學的小朋友. 不用勞氣, 不用頭痛, 小肥肥便乖乖的出門口上課了. 小媽媽真幸福 !
ready? get set …. GO!!!
很大的衫仔, 很大的書包, 很小的小肥肥…
進入校門前的一刻, 小肥肥很喜歡返學學呀 
! 當小媽媽想影多張相時, 小肥肥已急不及待要進課室, 跑開了.
在正式上課前, 肥肥表現十分好呀! 沒有哭, 沒有叫囂. 乖乖的在玩玩具, 等待老師開始唱歌做早操.
上課第一天, 當然會有大喊包包同學仔啦…
小DiDi 好得意! 邊哭邊叫話要打電話返屋企, 同埋話唔見咗書包仔囉! :D:D 笑死小媽媽!!!
朝早9時. 小肥肥正式開始上課, 小媽媽也夠鍾返工. 就這樣忙忙亂亂地, 過了肥肥重要的第一天. 待小媽媽今晚回到家, 再問小肥肥今天上課的情況吧!
聽日開學啦!!! 大肥肥終於要參與填鴨遊戲, 小媽媽送上十二萬分緊張…
這幾天不斷在想, 開學第一天如何安排? 大臭B會否準時起床? 預先準備好的東西, 到最後會否遺忙? 十萬個會發生的問題, 不斷在我腦內玩氹氹轉… 學肥肥話齋 :「我頭暈啦…」
要準備的東西濕濕碎碎, 好像永遠也準備不完…
濕碎事宜 1. 口水杯杯一隻 – 原來而家啲細路, 要自己帶杯杯返學飲水o架…
濕碎事宜 2. 開學新衫一套 – 肥肥的校服, 只是簡單的小圍裙一件. 內裡要著自己衫仔o架.
濕碎事宜 3. 荵和芹菜 – 聰聰明明, 勤勤力力呀唔該!!!
今日真係緊張到傻咗! 看來要好好準備的, 是小媽媽我… 明天, 肥肥的這一小步, 是她人生的一大步呀!!!
「媽咪媽咪, 我地可以出門口啦 !」
「肥肥肥肥, 你大個女咗, 我抬你唔起喎…」
「好啦好啦… 我地出發啦 !」
開學了!
小小的年紀和身軀
大大的校服和書包
長長的路, 等著你, 慢慢走
肥肥肥肥, 小媽媽真係唔捨得你要返學啦…
某星期天上午, 小媽媽和肥肥趕著出門.
***************************************************
小媽媽 :「baby baby, 趕船呀, 快啲自己著鞋仔啦!」
大肥肥 :「唔得呀…」
小媽媽 :「點解呀? 你識得自己著o架喎 ?!」
大肥肥 :「媽咪, 我唔係baby啦, 我係超鈍啦…」
***************************************************
不知何時開始, 我個女, 突然變咗children.
很快很快, 又會突然變咗 teenage.
很快很快, 又再突然變咗 kidult / adult.
快到呢 ~! 哎呀!!! 我都唔認得咗佢囉…
又到每晚數數目時間.
***************************************************
大肥肥 :「科天, fit天, 些分天….」
小媽媽 :「咪先咪先, 肥肥, 個sixteen去咗邊度呀 ? 」
大肥肥 :「食咗落肚啦! 」
小媽媽 :「哈!!! 咁好唔好味呀?! 」
***************************************************
唔知道, 肥肥仲會食啲咩落肚呢?!
我都好想玩埋一份呀!
但冇咁大個盤囉…
多謝您們的留言